لە ئەڵمانیا پرۆسەی ئاشتی و کۆمەڵگەی دیموکراتیک تاوتوێ کرا
هاوسەرۆکی کۆن_مەد، ڕوکەن ئاکچا کە بەشداربوو لە کۆبوونەوەی گەل لە ئاوریش، باسی کۆچکردنی زۆرەملێی کوردان و پرۆسەی ئاشتی و کۆمەڵگەی دیموکراتیکی کرد.
بە دیمەن
لە شاری ئاوریشی ئەڵمانیا، لە چوارچێوەی پرۆسەی ئاشتی و کۆمەڵگەی دیموکراتیک و کاری ئەنجوومەن و کۆمینەکان کۆبوونەوەیەکی گەل ئەنجامدرا.
کۆبوونەوەکە لە ماڵی گەلی ئاوریش بەڕێوەچوو، هاوسەرۆکی کۆنفیدراسیۆنی کۆمەڵگەی کوردستانیان لە ئەڵمانیا (کۆن_مەد) ڕوکەن ئاکچا بەشداربوو، چالاکییەکە بە خولەکێک وەستان بۆ یادی شەهیدانی ئازادیی کوردستان دەستی پێ کرد.
هاوسەرۆکی کۆن_مەد ڕوکەن ئاکچا تیشکی خستەسەر پرۆسەکە و ڕایگەیاند کە ڕێبەر ئاپۆ خواستی گۆڕان و گۆڕانکاری هەیە، گوتی: "ئەمە کۆتایی نییە، بەپێچەوانەوە، پرۆسەیەکی نوێیە. ئێمە دەزانین پێشتریش لەگەڵ ڕێبەر ئاپۆ کۆبوونەوە ئەنجامدراوە. ئیتر دەوڵەت ناچاربووە لەگەڵ کورد ڕێکبکەوێت".
ڕوکەن ئاکچا وەڵامی پرسیارەکانی دەربارەی پرۆسەکە دایەوە و ئاماژەی بەوە کرد کە شەڕی جیهانیی سێیەم دەستی پێ کردووە و نموونەی شەڕی ڕوسیا و ئۆکرانیای هێنایەوە، گوتی: "لەناو ئەم کایۆسەدا، ڕێبەر ئاپۆ ئەم پرۆسەیەی دەست پێ کرد. کورد زیاتر لە چل ساڵە ناچاربوون کۆچ بکەن بۆ تاراوگە".
ڕوکەن ئاکچا جەختی کردەوە کە کوردەکان لەبەر ستەمی دەوڵەت ناچاربوون کۆچ بکەن، گوتی: "پارتەکەمان ڕێگەی نەدا ئێمە تەنها بکەوین و لەناوبچین، لەژێر چەتری خۆیدا ئێمەی کۆکردەوە. چەندین ئەنجوومەن و ماڵی گەلمان هەن، پێکەوە کۆمان دەکەنەوە".
کۆبوونەوەکە بە پرسیار و وەڵام کۆتایی هات.
