بەگوێرەی ماڵپەڕی فەرمیی ئەنجوومەنی سووریای دیموکراتیک (مەسەدە)، هاوسەرۆکی نووسینگەی پەیوەندییەکانی مەسەدە حەسەن محەمەد عەلی لەگەڵ دامەزراوەکانی لێکۆڵینەوەی ئەڵمانیا کۆبووەتەوە.

بەگوێرەی ماڵپەڕەکە، حەسەن محەمەد عەلی لەگەڵ دامەزراوەی (Friedrich-Ebert-Stiftung) سەر بە پارتی سۆسیال دیموکرات کۆبووەتەوە، لە کۆبوونەوەکەدا، ڕۆڵی ڕێکخراوە مەدەنییەکان لە خەباتی سیاسییدا تاوتوێ کراوە.

هەروەها لەگەڵ دامەزراوەی (Heinrich-Böll-Stiftung ) سەر بە پارتی سەوز کۆبووەوەتەوە، باس لە گرنگیی پەرەپێدانی ڕۆڵی ژنان و بەشدارییان لە ژیانی مەدەنی و سیاسی کراوە.

هەروەها هاوسەرۆکی نووسینگەی پەیوەندییەکانی مەسەدە، لەگەڵ دامەزراوەی (Rosa-Luxemburg-Stiftung) سەر بە پارتی چەپ کۆبووەوەتەوە، بارودۆخی ئێستای سووریا و دادپەروەریی ڕاگوزەر تاوتوێ کراوە.