بە ئەرەیاۋنېوە هامبەش ٣٥ پارتې و ڕێکوزیایې ڕامېیارییې جە سەرنیشت و ۋەرکۊتوو سووریای دژ بە هووروژمو مەزهەبی، کۆچبەری زۆرەملێ و کۊمکوژییەکاو سەرو عەلەوییەکا پەشتیوانی وېشا پەی پێکئامای عەلەویی بەربڕی.
ئارۆ بە ئەرەیاۋنېوە نویستەی هامبەش، ٣٥ پارتې و ڕێکوزیایې ڕامېیارییې جە سەرنیشت و ۋەرکۊتوو سووریای دژ بە هووروژمو مەزهەبی، کۆچبەری زۆرەملێ و کۊمکوژییەکاو سەرو عەلەوییەکا پەشتیوانی وېشا پەی عەلەوییەکا دەربڕی.
جە ئەرەیاۋناکە هامبەشەکەنە پارت و ڕێکوزیاکې، نیگەرانی وېشا دەربارەو ئا ڕووداوا بەربڕی کە جە ناوچە عەلەوینشینەکاو شارو حومسو سووریای ڕووە مڎا و ئامان: "گرووپێوە چەکداری سەربە حکومەتو ڕاگوزەرو سووریای دووکانو کاسبکارەکاشا بڕیەن، یانەکېشا سۊتنێنې، ئەرەنیشتېشا ترسێنێنې و جە یانەکاشانە بەرشا کەردێنێ."
جە ئەرەیاۋناکەنە ئاماژە پانەیە کریان کە چارەسەرو بنەڕەتی کێشەکاو سووریای، بەشداری گرڎ پێکئامایەکا و گەلاکاو سووریایەن جە سیستەمو حوکمڕانی و نویستەیۊ دەستوورێوە هامبەشو دیمۆکراتیکی و ئامان: "سووریا بە تڼوتیژی بنیاڎ نمەنیریۊ، بەڵکوو بە دادپەروەری، یەکسانی و هامبەشی حەقەتینەو مابەینو گرڎ پێکئامایەکا بنیاڎ منیریۊ."
ڕێکوزیا و پارتە ڕامېیارییەکې ئەرەیاۋنا هامبەشەکەی:
١- کۆنگرەو نەتەوەیی کورڎەسانی (کەنەکە)
٢- پارتی سەوزو دیمۆکراتیکی
٣- پارتی ئاشتی دیمۆکراتیکو کورڎەسانی
٤- پارتی لیبراڵو کورڎی جە سووریا
٥- پارتی کۆمۆنیستو سووریای
٦- پارتی دیمۆکراتیکو کورڎەسانی-سووریا
٧- پارتی دیمۆکراتیکو کورڎیی سووریای
٨- پارتی چەپو کورڎی جە سووریا
٩- پارتی چەپو دیمۆکراتیکو کورڎی جە سووریا
١٠- پارتی سووریای ئایەندەی
١١- تەڤگەرو نوژیانو کورڎەسانی-سووریا
١٢- پارتی ئەوەفاڕیای دیمۆکراتیکو کورڎەسانی
١٣- یۊبیەو کرێکارانو کورڎەسانی (یەکەکە)
١٤- دەستەو نیشتیمانی عەرەبی
١٥- پارتی نوژیان و دیمۆکراتیکو سووریای
١٦- پارتی ڕێککۊتننامەو دیمۆکراتیکو کورڎیی جە سووریا
١٧- پارتی چاکسازیی-سووریا
١٨- پارتی ئاشووری دیمۆکراتیک
١٩- پارتی برایەتی کورڎەسانی (پەبەکە)
٢٠- پارتی ڕۆژیی دیمۆکراتیک جە سووریا
٢١- تەڤگەرو جڤاکی دیمۆکراتیک جە سووریا
٢٢- کۆنگرەو ستاری
٢٣- پارتی موحافزکارا
٢٤- پارتی ئەوەکۊشای دیمۆکراتیک
٢٥- شەپۆلو ئایەندەو کورڎەسانی
٢٦- پارتی دیمۆکراتیکو کورڎەسانی-ۋەرنیشتو کورڎەسانی
٢٧- پارتی ئەوەفاڕیای دیمۆکراتیک
٢٨- پارتی یۊبیەو سووریانی
٢٩- پارتی جەمەو نیشتیمانی کورڎەسانی
٣٠- پارتی یۊبیەو دیمۆکراتیکو کورڎیی جە سووریا (یۊبیە)
٣١- تەڤگەرو چەپو شۆڕشگێڵنی جە سووریا
٣٢- پارتی سووریای دیمۆکراتیک
٣٣- پارتی وەتەنی سووری
٣٤- پارتی یۊبیەو دیمۆکراتیک (پەیەدە)
٣٥- پارتی گلېرۊبیەو نیشتیمانی کورڎەسانی
