گوڵستان سەڤیمە چالاکوانۊ ئازادی کە جە ماوە و دووې ساڵانە بە داواو ئاشتی و ئازادی بەشداری یەرۍ ڕاپیمایا بیێنە، واتش: “ۋەرپرسیاریێوە تاریخین، پەنەوازا فرەتەر پەی ئاشتی ئەوەکۊشای کەرمێ و چی پرۆسەیەچنە ئیلهام جە ئەوەکۊشای ژەنی هۊرگېرمێ.”
گوڵستان سەڤیمە کە دووێ کەسې نزیکېش جە جەنگەنە جە دەس دێنێ و جە سێرتۊ بەشداری ڕاپیمای “بە هیواوە بەرەو ئازادی ملمێ” بیێنە، کە جە لایەنو تەڤگەرو ژەنا ئازاڎا (تەژەئا) جە ئامەڎۊ بەرەو ئەنقەرەی دەسش پنە کریان و بە جۆشۊ بەردەواما، واتش: “ۋەرپرسیاریێوە تاریخین، پەنەوازا فرەتەر پەی ئاشتی ئەوەکۊشای کەرمێ و چی پرۆسەیەچنە ئیلهام جە ئەوەکۊشای ژەنی هۊرگېرمێ.”
سەڤیمە واتش: “تا پێکئامای ئاشتی و ئازادی جە ڕاپیمایەنە بو” و ئاماژەش پانەیە کەرڎ کە بڕیارش سەرو ئیرادەو ئازادیوازی وېشۆ هەن و واتش: “ئازادی گەلا پېوەس بییەن بە ئازادی ئېژا ئۆجالانی، پۆکەی داواو هەڵوێسو ئازادی برمانای جە گرڎ کەسێ مکەرونە.”
‘ئاشتی و ئازادی داواو گلێرگەین’
سەڤیمە داواش پەی پێکئامای ئاشتی کۊمەڵایەتی و کۊتایی ئاردەی بە جەنگی کەرڎ و واتش: “داواو ئێمە پېسەو ژەنێوە جوانې، کۊتایی ئاردەیا بە جەنگی و کاولکاری، ئی داواو گلێرگەین نەک داوایێوە کەسیی. بە دڵنیاییۊ ئازادی گلێرگەیچ پېوەس بییەن بە ئازادی ئېژا ئۆجالانی. ئازادی ئاڎی ئازادی چاند و زۋان و ژەنان. چی جەنگەیەچنە من دووې واڵېم جە دەس دێنێ و ئەڎام ئازاریش چەشت. پەی بەدیئاردەی ئازادی ماوۊ دووې ساڵېن ئینانی ئەوەکۊشایەنە و ئیلهام جە ئەوەکۊشای ئازادیوازی ژەنی هۊرگېرۇنە. ئېژا ئۆجالان ئینا گۆشەگیری ئیمراڵینە، ئەشۊ خاوەنداری جە پېخامەکەیش کەرمێ. پەنەوازا کورڎی بەشدارۍ ئی ئەوەکۊشایەو ئازادییە بانە. پەی خاوەنداریکەردەی جە زۋان و چاندیمان بەرەو ئەنقەرەی ڕاپیمای مکەرمێ.
‘پەنەوازا ئیرادێوە بەهێز نیشانە دەیمێ’
گوڵستان سەڤیمە چالاکوانۊ بەشدارۊ ڕاپیمای ئازادی جە کۊتایی قسەکاشەنە سەرنجش وست سەرو ‘پرۆسەو ئاشتی و گلێرگەو دیموکراتیکی’ و ئاماژەش پانەیە کەرڎ ئەشۊ دۊڵەت ئیرادێوە بەهێز پەی پێکئامای ئاشتی بوزۊ ڕووە. ئاشتی پەنەوازیش بە ئیرادێوە حەقەتینەی هەن.
