ڕامېیاریمەدارەو کورڎی و پەرلەمانتارەی وەڵینەو هەدەپە-ی، فەلەکناس ئوچا، بە پېخامێوە پەشتیوانیش جە ڕاپیمای "بە هیواوە بەرەو ئازادی ڕاپیمای مکەرمێ" کەرد، کە جە ١و تشرینو یووەمی جە ئامەد دەسش پنە کەرد و بەرەو ئەنقەرە بەردەواما.
پېخامەکەو فەلەکناسې پی جۊرەنە:
"چنی پرۆسەو ئاشتی و دیموکراسی کە بە سەرمەشقایەتی ڕابەر ئاپۆی دەسش پنە کریان، پېسە ژەنا خاوەن ویرکەردەیۊ ئازاڎی، پېوەرە ئی پرۆسەیە فاڕمێ پەی ئازادی بەڎەنی ڕابەر ئاپۆی. پەی ژیۋایێوە ئازاڎی، با پېوەرە ئەوەکۊشایما نەختې وەرفراوانتەر بکەرمێ. هەرپېسە چنی گەل پەی ئازادی ڕابەر ئاپۆی سەرمەشقایەتی مکەرۊ، پەی وەڵېکۊتەی و سەرکۊتەی ئی پرۆسەیچە ئەشۊ ئازادی ڕابەر ئاپۆی مسۆگەر بکریۊ. جارێوە تەر سڵام جە ئەوەکۊشای و مڎرامانیتا مکەرمێ. پېوەرە، هیوا بە ئازادی، ئازادیچ بە ئەوەکۊشای بەدی مێ."
