بەگوېرەو ئا زانیارییا کە جە فەرماندەکاو هێزەکاو سووریای دیموکراتیکی (قەسەدە)ی دەس کۊتێنێ، هووروژمەکە بە درۆن ئەنجام دریان.

ئەرەیاۋیان جە ئاکامو هووروژمەکەینە هاموڵاتیێوە نزیک بە دەروازەو دێرحافری، جە مابەینو کانتۆنو تەبقەی و حەلەبینە زامڎار بییەن و فاڕیانۆ پەی خەسەخانەی.

گرووپەکې سەر بە حکومەتو کاتی سووریای پی دماییا هووروژمەکېشا فرې کەردێنێ. شەوەو ٢٠و ئەیلولو ٢٠٢٥ی جە دەگاو ئوم تینای دژ بە خەڵکی مەدەنی کۊمکوژیشا کەرڎە بې و جە ئاکامشەنە ٨ هاموڵاتیې مەدەنیې گیانشا جە دەس دان و ٣ کەسې تەرېچ زامڎارې بیێبێنې.