مەجید زەکەریایی، فەرماندەو یەکەو پارېزنای سەرچەمە سرووشتییەکاو ئێرانی، ئامارێوە تازېش سەبارەت بە ئێرکۊتەیۊ جە دارسان و لەوەڕگاکاو وڵاتەکەینە وەڵا کەرڎۆ و ئەرەیاۋناش: "جە ماوەو هەشت مانگانە دووې هەزارې و ٣١٠ ڕووەدایې ئېرکۊتەیۊ جە سەراسەرو ئێرانینە تۆمار کریێنې."

بەپاو قسەکاو فەرماندەکەو یەکەو پارېزنای سەرچەمە سرووشتییەکا، بەمەڵامەتو ئی ڕووەدایاوە ٤٥ هەزارې و ٨٠٩ هێکتار جە دارسانی و لەوەڕگې سۊتێنې.

زەکەریایی ئاماژەش پانەیە دا، کە ژمارەو ڕووەدایەکاو ئێرکۊتەیۊ بە مقارەنە چنی ساڵەی ۋېیەرڎەی ١٢٪ زیاڎشا کەردەن.

فەرماندەو یەکەو پارېزنای سەرچەمە سرووشتییەکاو ئێرانی ڕۊشنش کەرڎۆ، کە پارێزگاو فارسی بە سۊتەی ١٢ هەزارې و ٨٤١ هێکتارا ئینا پلەو یووەمینە، پارێزگاو سنەو ۋەرکۊتوو کورڎەسانی بە سۊتەی چوار هەزارې و ٨٧٥ هێکتارا ئینا پلەو دووەمینە و پارێزگاو کرماشانی بە چوار هەزارې و ٧٣٧ هێکتارا ئینا پلەو یەرەمینە کە فرەتەرین زەرەرشا لا یاوان.

سەبارەت بە مەڵامەتو ئێرکۊتەیۊکا، زەکەریایی واتش: "٩٥٪ـو ئێرکۊتەیۊکا بەمەڵامەتو مەڵامەتە مرۊییەکاوە بییەن، قەیرانە سرووشتیەکېچ دەورشا جە فرەتەر تەشەنەئەسای ئېرەکانە بییەن."

بە پاو ئامارەکا، دماو پارێزگاو فارسی، پارێزگاکې ۋەرکۊتوو کورڎەسانی فرەتەرین زەرەرشا چی ڕووەدایانە لا یاوان.