کۆمیسیۆن تانەکا ڕەوانەو دەسەڵاتو دادوەری مکەرۊ
کۆمسیۆنو باڵاو سەربەخۆو هورچنییەکا عێراقی ئەرەیاۋناش، جە کۆو گشتی ٨٧٢ تانانە جە ئەنجامو هورچنییەکا ٥٢٨ تانێشا کیاستێنێ پەی دەسەڵاتو دادوەری پەی قەراردای سەرشا.
کۆمسیۆنو باڵاو سەربەخۆو هورچنییەکا عێراقی سەبارەت بە ژمارەو ئا تانا کە پەی دەسەڵاتو دادوەری کیاستێنێشا ئەرەیاۋناش، "جە کۆو گشتی ٨٧٢ تانا جە ئەنجامو هورچنییەکا ٥٢٨ تانێما پەی دەسەڵاتو دادوەری کیاستێنێشا پەی . دەسەڵاتو دادوەری ٣٦ تانێش جە ئەنجامو هورچنییەکا ڕەڎ کەرڎێنێوە."
یاگێ ئاماژەینە، ١٧و تشرینو دووەمی کۆمسیۆن ئەنجامو کۊتایی هورچنییەکا پەرلەمانیش وەڵا کەردێوە ماوەو یەرۍ ڕوا جە ۋەرڎەمو پارت و لایەنەکانە بې، پەی ئانەی تانە جە ئەنجامەکەی بڎا، هەرپاسە ماوەو حەوت ڕۊایچ جە ۋەرڎەمو کۆمسیۆنینە بې، پەی شۊنیرەلوای پەی تانەکا و کیاستێنێشا پەی دەسەڵاتو دادوەری.
