بە مەخسەدو هۊرسەنگنای ئاژەو ئەمنی و کۊمەڵایەتی سووریا و لوبنانی، ئەنجوومەنو ئاسایشو نەتەوە یۆگێرتەکا ئەرەیاۋناش حەفتەو ئایەندەی ئەنداما ئەنجوومەنەکەیشا بە فەرمی سەر ۋنە هەردووە وڵاتەکەی مڎا.

سەرۋنەدایەکە چن ڕوێوە وەڵتەرې جە ساڵڕۊو کەوتەی ڕژێمو بەعسی، جە ٤و کانوونو یووەمی دەس پنە مکەرۊ. باڵیۆزو باڵاو ١٥ وڵاتې ئەندامې جە سەرۋنەدایەکەنە، چنی سەرۆکو کاتیی سووریای، ئەحمە شەرعی، نوێنەراو حکومەتو تازەی و نوێنەراو گلێرگە مەدەنییەکا گلېرباوە.

شاندەکە جە ٥و کانوونو یووەمی ملۊ پەی بەیروتی، ڕۊو دماتەریچ سەر ۋنەو هێزو ئاشتیپارێزو نەتەوە یۆگێرتەکا (یونیفیل-UNIFIL) مڎا کە سەرو سنوورو ئیسرائیل-لوبنانینە جە ئەرکەنەنا.