سامان محەمەدی، زینانی ڕامېیارو کورڎی، جە دار دریا
سامان محەممەدی خەیارە، زینانی ڕامېیارو کورڎو خەڵکو شارو سنەی کە جە لایەنو دادگاو ئێرانیۊ سزاو جەداردایش سەرەرە سەپیابې، هېزی جە زینانو قزلحەسارو کەرەجینە بە شېوازێوە پەنهان جە دار دریا.
جەداردای هاموڵاتیا کورڎی جە لایەنو ڕژێمو ئێرانیۊ بە مەرامو سەرکوتکەردەی دەنگو کورڎی بەردەوامیش هەن و چا چوارچېوەنە، ڕۊی ۋېیەرڎە سامان محەمەدی خەیارە، زینانی ڕامېیارو خەڵکو شارو سنەی، جە زیڼانو کەرەجینە جە دار دریا.
تۆڕۊو مافەکا مرۆڤو کورڎەسانی سەبارەت بە جەداردای زینانیێوە ڕامېیارو کورڎی جە زینانو کەرەجینە پی جۊرە زانیاریێش وزێنێ ڕووە.
جە هەواڵەکەنە ئامان، ڕۊو ۋېیەرڎەی زینانیێوە ڕامېیارو کورڎی بە نامې سامان محەمەدی خەیارە، خەڵکو شارو سنەو ۋەرکۊتوو کورڎەسانی، جە زیڼانو قزل حەسارو کەرەجینە بە شېوازێوە پەنهان و بێ ۋەرچەم گېرتەی مافو دما دیداری چنی بنەیانەکەیش جە دار دریا.
ئاماژە پانەیچ کریان، سامان محەمەدی خەیارە بە تۆمەتو "چەکداری و ئەندامبییەی جە یۊ جە پارتە کوردییەکان"ە جە دار دریان.
هامکات، ساڵۊو ٢٠١٣ی سامان محەمەدی خەیارە تەمەن ٣٥ ساڵ و خەڵکو سنەو ۋەرکۊتوو کورڎەسانی، جە لایەنو هێزەکاو وەزارەتو ئیتلاعاتو ئێرانیۊ بێ ئەمرەو دادوەری باڵبەسە کریا و پەی ماوەو فرەتەر جە ٤ ساڵا جە ژووری تاکەکەسی زیڼانو ئەوینو تارانینە بە مەرامو هۊرگېرتەی دڎان نیای پۊرەی زۆرەملێ، وزیا چېرو ئەشکەنجەی بەڎەنی و دەروونیۊ.
شیاوو ئاماژە پنەکەردەیا، دماتەریچ جە لایەنو لقو ١٥و دادگاو شۆڕشو ئیسلامی تارانیۊ بە سەرۆکایەتی دادوەر سەڵەواتی بە تۆمەتو "چەکڎاری و ئەندامبییەی جە یۊ جە پارتە کوردییەکان"ە سزاو جەداردایش سەرەرە سەپیا.
