سەرەڕاو ئانەی کە تەڤگەرو ئازادیی کورڎی جە سەرەتاوە تا ئیساتې پاگیرانە باس جە چارەسەری مکەرۊ، کەچی دۊڵەتو تورکی چنین جار جە تورکیانە و هەر چوار پارچې کورڎەسانینە ئۆپەراسیۆنش ئەنجامدا و کۊمکوژیش کەرڎ.
هیوا و بانگەوازو ئاشتی جە سەردەمێوەنە کە دژوارتەرین جەنگ لواڕاوە و دۊڵەتو تورکی جە هورووژمەکاش پەی سەرو گەلی و پەکەکەی حیچ سنوور و یاسایێوەش ۋەرچەم نەگېرت، پێسە و ئارۆی بانە ڕۆژەڤ. ئانەی ئارۆ ڕووەمڎۊ، سەرکۊتنو تەڤگەرێوەنە کە جە یووەمین ڕوۆ ڕا چارەسەریش نیشانەدان و لایەنەکەو تەری کە پاگیربېیەن سەرو جەنگی، ئامان سەرو ئا مێزێ کە ڕابەر ئاپۆ هەمیشە نیشانەشدان.
جوابدایۊ بانگەوازەکا ئاېێربەسی و چارەسەری بە کۊمکوژی
دۊڵەتو تورکی، بانگەوازەکې پەکەکەی پەی ئاېێربەسی و چارەسەریی ڕامېیاری، کە جە ساڵۊو ١٩٩٣یۊە جار بە جار کەرې، پاگیرانە پەشگۆشێش وستې. هەمیشە پاگیریش سەرو جەنگی درێژەپنەدان. جە گرڎ ناوچەکې کورڎەسانینە هورووژم و کۊمکوژیی گۊرې ئەنجامدریا. دژ بە گەلو کورڎی کە جە تورکیانە مژیۋا، هورووژمە نەژادپەرستی و فاشیستییەکې ڕێکوستې کریا. هەم جە هورووژمەکا دۊڵەتو تورکی و هەم چەتە فاشیستەکێ، هەزاران کەسې کوشیې. دەگانشینېشا وستېنە چاڵې ئەسیدی، بێسەروشوێنشا کەردې و جە گرتووخانەکانە کوشتېنێشا. بە چەکو کیمیایی هورووژمشا کەرڎ سەرو ناوچەکا گەریلای. گۊرەتەرین هورووژمو کیمیایی دژ بە گەریلای جە ١٦و ئایارو ١٩٩٤ینە جە کەشو بێزارینە ئەنجامدریا. شش گەریلې و ٢٢ خۊنکارې ئا وەننگایە کە گەرەکشا بې بەشداری (ئارگەکەی) بانە، بە چەکی کیمیایی کوشیې.
دماو ئانەی ئاېێربەسەکې مابەینو ساڵەکا ١٩٩٣ و ١٩٩٥ی کۊتاییشا ئاما، ڕابەر ئاپۆ جە چمپنەکۆتەکەیشەنە چنی ئەرتوگرول کورکچوی ڕۊنامەو ئۆزگور گوندەمی، بە ڕۊشنی ئەرەیاۋناش، کە ئا لایەنە کە ئاشتیش گەرەک نییا دۊڵەتەنە و واتش “ئاېێربەس چێوێ نییا کە هەرپاسە ئامابۊ ئاراوە. ئەنجامې فرە گرنگېش بېنې. بەتایبەتی وەختێو داواو لایەنو ۋەرانۋەریما دی، بە هەستیاریێوە زیاتەرۊە مامەڵەما کەرڎ. بەنامې ئێمەۊە واتشا، ‘وېشا مڎا دەسۆ، واز جە ئەوەکۊشای مارا’. ئەشۊ هۊرسەنگنایش پەی بکەرمێ. هۊرسەنگنایما پەی کەرڎ، بەڵام بەهۆکارو پیلانگێڵنیێوە لایەنو ۋەرانۋەریۊە، وازشا جە پیلانەکەی ئارڎ.”
سەڎان ئۆپەراسیۆن، هەوڵې بێشومارې کۊمکوژیی
تەڤگەرو ئازادیی کورڎی ئەرەیاۋناش، کە جە ئەرەمەرزیایشۊ تا ئیساتې دژ بە مامەڵەو لایەنو ۋەرانۋەری پاگیرېنێ سەرو ئانەی کە هێز بەکارنارا جە جوابدایۊنە، دۊڵەتو تورکی جیای ئانەی کە لایەنگرو چارەسەری بۊ، هەم جە سەرنیشت هەم جە ناوچەکا تەرې کە گەریلاش چنە بېیەن، ئۆپەراسیۆنش ئەنجامدان. جبەر جە ئۆپەراسیۆن، هورووژم و کۊمکوژیی کە جە تورکیانە و سەرنیشتو کورڎەسانینە ئەنجامشدان، دژ بە پارچەکا تەرې کورڎەسانی فرە جارې ئا ئۆپەراسیۆنېش ئەنجامدېنێ، کە پێسە و ‘ئۆپەراسیۆنەکې جبەرو سنووری’ نامېشا بەرۊ.
بڕێ جە ئا ئۆپەراسیۆنا کە تەنیا پێسە و جبەرو سنووری نامېشا بریا، ئینێنې؛
١٥و ئابو ١٩٨٦ی پانیشت
٤و ئادارو ١٩٨٧ی پانیشت
٥-١٣و ئابو ١٩٩١ی پانیشت
٣٠و ئابو ١٩٩٢ی پانیشت
٥و تشرینو یوەمی-١٥و تشرینو دووەمو ١٩٩٢ی پانیشت
١٢و تشرینو یوەمی- ٥و تشرینو دووەمو ١٩٩٢ی پانشت
١٣-١٩و ئابو ١٩٩٣ی ئۆپەراسیۆنو کریپی
٥و تشرینو دووەمو ١٩٩٣ی-٢٨و کانوونو دووەمو ١٩٩٤ی سەرنیشتوو عێراقی
٦-١٣و تشرینو دووەمو ١٩٩٣ی ئۆپەراسیۆنو جبەرو سنوورو کاریادەری
٢٧و کانوونو دووەمی-٢و شوباتو ١٩٩٤ی ئۆپەراسیۆنو ئالاندوزی
١٦و ئادار-نیسانو ١٩٩٤ی ئۆپەراسیۆنو ئەژدەری
٢٦و تەممووز-٣و ئاب باکوورو عێراقی
٢٠و ئادار-٤و ئایارو ١٩٩٥ی ئۆپەراسیۆنو ژەرما-بەتکاری
٢٣و ئادارو ١٩٩٥ی حەفتانین باسک
١٤و تەممووزو ١٩٩٦ی ئۆپەراسیۆنو تۆکاتی
١٢و ئایار-٧و تەممووزو ١٩٩٧ی ئۆپەراسیۆنو چەکیچی
٢٥و ئەیلوول-١٥و تشرینو یەکەمو ١٩٩٧ی ئۆپەراسیۆنو شەفەقی
٢١-٢٩و شوباتو ٢٠٠٨ی ئۆپەراسیۆنو ڕۆژی
٢٤-٢٥و تەممووزو ٢٠١٥ی ئۆپەراسیۆنو گەشمەرڎە یاڵچنی
٢٤و ئابو ٢٠١٦ی-٢٩و ئادارو ٢٠١٧ی ئۆپەراسیۆنو قەڵغانو فوراتی
٥و نیسانو ٢٠١٧ی ئۆپەراسیۆنو چڵە زەیتوونی
١٩و ئادارو ٢٠١٨ی-٢٧و ئایارو ٢٠١٩ی ئۆپەراسیۆنو قەڵغانو دیجلەی
١٥و ئابو ٢٠١٨ی ئۆپەراسیۆنو سینجاری
٢٨و ئایارو ٢٠١٩ی-١٤و تەممووزو ٢٠٢٠ی ئۆپەراسیۆنو چنگی
٩و تشرینو یەکەمو ٢٠١٩ی-٢٥و تشرینو دووەمو ٢٠١٩ی ئۆپەراسیۆنو بارش پناری
١٥و حوزەیرانو ٢٠٢٠ی-٥و ئەیلوولو ٢٠٢٠ی ئۆپەراسیۆنو چنگو پڵنگی و چنگو هەڵۆی
١٠-١٤و شوباتو ٢٠٢١ی ئۆپەراسیۆنو چنگو پڵنگ-٢
٢٣و نیسانو ٢٠٢١ی (هەڵای بەردەوامەنە) ئۆپەراسیۆنو چڕنووکو بروسکەی
تشرینو دووەمو ٢٠٢٢ی (هەڵای بەردەواما) ئۆپەراسیۆنو چڕنووکو بروسکەو ئاسمانی
تەڤگەرو ئازادیی کورڎی کە ماوە ماوە ئاېێربەسش ئەرەیاۋنان، ئەرەیاۋناش کە جە ئی پڕۆسەو ئاېێربەسیەنە پاگیرانە لایەنگرو ئاشتینێ، پڕۆسەکې جەنگی کۊتاییشا مێ. تەڤگەرو ئازادیی کورڎی تا ئیساتې جە ساڵەکا ١٩٩٣، ١٩٩٥، ١٩٩٨، ١٩٩٩ و ٢٠١٣ینە ئاېێربەس و ماوەو مردنای ئەوەکۊشای چەکداریش ئەنجامدان. ئاکەپە پڕۆسەو ئاشتیی ساڵۊو ٢٠١٣یش پەکەش وست و بە دەسپنەکەردەیۊ هورووژمەکا کۊتاییش ئاما. تەڤگەرو ئازادیی کورڎی تا بانگەوازەکەو ٢٧و شوباتو ٢٠٢٥و ڕابەر ئاپۆی، سەرجەنۊ دەسش کەردەبۍوە بە ئەوەکۊشای چەکداری.
