پەژاک جە ئەرەیاۋنېوەنە پەی ٢٧ەمین ساڵیاڎو پیلانگێڵنی ٩و تشرینو یووەمی، پەی بەدیئاردەی ئاشتی و دیموکراسی، داواو یەکڕیزیش جە گەلا چېردەسی کەرڎ و جەختش چانەیە کەردۆ ئازاڎکەردەی ڕابەر ئاپۆی و چارەسەرو پرسو کورڎی، تەنیا ڕاو چارەسەرو قەیرانەکاو هەرێمەکەین.
پەژاک جە ئەرەیاۋنېوەنە پەی ٢٧ەمین ساڵیاڎو پیلانگێڵنی ٩و تشرینو یووەمی، پەی بەدیئاردەی ئاشتی و دیموکراسی، داواو یەکڕیزیش جە گەلا چېردەسی کەرڎ و جەختش چانەیە کەردۆ کە ئازاڎکەردەی ڕابەر ئاپۆی و چارەسەرو پرسو کورڎی، پەی کۊتاییئاردەی بە قەیرانەکاو هەرێمەکەی چارەسەریێوە بنەڕەتییا.
پارتو ژیۋای ئازاڎو کورڎەسانی (پەژاک) جە ئەرەیاۋنېوەنە کە بۆنەو ٢٧ەمین ساڵیاڎو پیلانگێڵنی مېیاننەتەوەیی ٩و تشرینو یووەمی وەڵاشکەردەنۊ، سەرەڕاو ئیدانەکەردەی پیلانگێڵنییەکەی دژ بە ڕابەر ئاپۆی، پیلانگێڵنییەکەش بە مەڵامەتو سەرەکی درێژەدای بە جەنگی و جینۆسایدی جە قەڵەم دان جە ۋەرکۊتوو مېیامینینە. پەژاک ئەرەیاۋناش ئەنجامدای پیلانگێڵنییەکەی نەک تەنیا دژ بە گەلو کورڎی بییەن بەڵکو بنەماکې ئاشتی و دیموکراسیش جە ناوچەکەنە کەردێنێ ئامانج.
هەرپاسە پەژاک جە ئەرەیاۋنەکەیشەنە جەختش چانەیە کەردۆ کە پرۆسەو ئاشتی و گلێرگەو دیموکراتیکی کە جە لایەنو ڕابەر ئاپۆیۊ دەسش پنە کریان، تەنیا ڕانە پەی کۊتایی ئاردەی بە کۆمکوژی بەڎەنی و کولتووری دژ بە کورڎی و متاوۊ هەناسێوە تازە بە ۋەرکۊتوو مېیامینی بەخشۊ.
پەژاک جە بەشێوە تەرو ئەرەیاۋنەکەیشەنە ئێران و ۋەرکۊتوو کورڎەسانېش جە ۋەرڎەمو ئەوەفاڕیێوە تاریخی پەی ئەوەفاڕیای بنەڕەتی زانان و هۆشداریش دا چانەیە کە جەدەسدای دەرفەتەکاو دیموکراتیزەکەرڎەی چی کاتەنە مەبۊ بە مەڵامەتوو دلېنەشیەی کولتووری و ڕامېیاری. پەژاک جە کۊتایی ئەرەیاۋنەکەیشەنە فەلسەفەو "ژەنی، ژیۋای، ئازاڎی" بە شۊڵەچراوەو ڕانمایی پەی گەلا چېردەسی مزانۊ و پەی یاوای بە ئاشتی، ئازاڎی و دیموکراسی جە ناوچەکەنە، داواو یەکڕیزی و ئەوەکۊشای بەردەوامیش کەرڎ.
