چالاکییەکە کە هېزی کۆمیتەو پەشتیوانی بلوچی ڕێکش وستەبې، کۆمیتەو پارتی ژیۋای ئازاڎو کورڎەسانی (پەژاک)و نەرویجیچ بە مەرامو پەشتیوانی گەلو بلوچی بەشدار بې. جە چالاکییەکەنە یاڎو قوربانیەکاو گەلو بلوچی کریاوە کە جە سەروەختو شۆڕشو ‘ژەنی، ژیۋای، ئازادی’، جە ساڵۊو ٢٠٢٢ی جە شارەکاو زاهیدان و هاش جە پارێزگاو بلوچستانینە جە ‘جومعەو ۋناوینە’نە گیانشا جە لایەنو هێزەکاو دۊڵەتو ئێرانۊ کوشیۍ.

جە چالاکییەکەنە کە نوێنەری کۆمیتەو پارتی ژیۋای ئازاڎو کورڎەسانی (پەژاک)و نەرویجی پېسەو نوێنەرو کورڎا بەشدارۍ بێنێ، بە هۊرگېرتەی ئاڵاو پەژاکی و وێنەو زینانییە ژەنە سیاسیی کورڎی، جۆششا دا بە گلېرۊبیەوەکەی و بە وەنەیۊ ئەرەیاۋنېوە، پشتگیری گەلو کورڎیشا پەی گەلو بلوچی بەربڕی.

هەر جە چالاکییەکەنە، پارت و ڕێکوزیایې تەرېچ پېخامو پەشتیوانی وېشا ئەرەیاۋنا. چالاکییەکە بە واتەیۆ درووشمەکاو “ژەنی، ژیۋای، ئازادی” و “زانست و ئازادی” کۊتاییش ئاما.