ژەنې ڕاپیماکەرۍ کە بە درووشمۊو "بە هیواوە بەرەو ئازاڎی ڕاپیمای مکەرمێ" جە ئامەڎۊ بەرەو ئەنقەرە حۊت ڕوێنێ جە ڕاپیمای بەردەوامێنې، ئارۆ جە ئەنقەرە بە درووشمۊو "بژیۋۊ سەرۆک ئاپۆ" لوې دلېی پەرلەمانو تورکیای.
ئەندامې تەڤگەرو ژەنا ئازاڎی (تەژەئا) کە بە درووشمۊو "بە هیواوە بەرەو ئازاڎی ڕاپیمای مکەرمێ" جە ئامەڎۊ دمای ۋېیەدەی بە حۊت شارارە، ئارۆ یاوې ئەنقەرە. دمای وەنەیۊ ئەرەیاۋنېوی، سەرەڕاو ڕاگېرتەی پۆلیسی بە جۆش و خرۊشۊ داواو ئازاڎی و بەرزکەردەیۊ نیشانې سەرکۊتەی، لوې دلېی پەرلەمانو تورکیای.
ژەنې دمای یاوایشا بە پەرلەمانی، فرە بە بەرزی درووشمەکاو "بژیۋۊ سەرۆک ئاپۆ"، "ژەنی، ژیۋای، ئازاڎی، ڕابەر ئاپۆی ئازاڎ مکەرۊ" و "ژەنی بە هیواوە هەنگامە منیۊ"شا واتێوە.
