ڕاپیماو 'بە هیواوە بەرەو ئازادی ملمێ'، کە بە سەرمەشقایەتی تەڤگەرو ژەنا ئازاڎی (تەژەئا) جە ئامەڎۊ بەرەو ئەنقەرە بە مەرامو ئازادی بەڎەنی ڕابەر ئاپۆی دەسش پنە کەرد، جە دووەم ڕۊشەنە جە ڕحانە بەردەوام بې. جە ڕحای ڕاپیماکەرې سڵامشا پەی ڕابەر ئاپۆی کیاست.
ژەنی جە ڕاپیماکەینە درووشمەکېشا پەی ئازادی بە بەرزی واتێوە. جە کۊتایی ڕاکېشانە کڵاوە چەرمەکې وېشا بە دارو تفێوە هۊرواسې و داواو ئاشتی و ئازادییشا کەرد.
چالاکوانۊ تەژەئا-ی، عەدالەت چیمەن فیدانە، قسېش کەرڎې، سەرنجش وست سەرو ماناو ڕاپیماکەی و واتش: "٤٧ ساڵې چێوەڵې ، ڕابەرو گەلو کورڎی، عەبدوڵا ئۆجالان و هەڤاڵەکېش چېگەنە ڕاپیمای و هەرمانۊ ڕېکوزستەیشا کەردێنە. ڕایێوشا پەی وېشا و هەڤاڵەکاشا نیارە. هەزاران کەسې کوشیې، هەزاران کەسې زیندانیې کریې، بەڵام ئی ئەوەکۊشایە کۊتاییش ناما، گرڎ ڕوێ فراوانتەر بې. ئازادی ڕابەرو گەلو کورڎی، ئازادی ژەنا، ئازادی گەلان. دمای ٢٧و شوباتیۊ کە پرۆسەکە دەسش پنە کەرد، کە ڕابەرو گەلو کورڎی عەبدوڵا ئۆجالان دەسش پنە کەرد، ئێمە ژەنی هۊرمێزمێ بە ۋەرپرسیاری پرۆسەکەی. پەنەوازا ئازادی بەڎەنی ڕابەرو گەلو کورڎی عەبدوڵا ئۆجالانی بێ دی. ئی پرۆسە جە لایەنو ڕابەرو گەلو کورڎیۊ مکریۊ ڕاوەبەر بکریۊ."
چیمەن فیدانە ئاماژەش پانەیە کەرد، کە ڕاپیمایەکە بەردەوام مەبۊ و واتش: "سڵامې گەرمو وېما پەی ئیمراڵی کیانمێ. ڕاپیمایما جە پایتەختو کورڎەسانیۊ بەرەو پایتەختو تورکیای بەردەوام مەبۊ. جە جۊرنێ ڕەشیۊ سڵامې گەرمو وېما پەی ئیمراڵی مکیانمێ."
