له‌ چوارچێوه‌ی لێپرسینه‌وه‌كانی داواكاری گشتیی كۆماریی له‌ ئه‌نقه‌ره‌، بڕیاری ده‌ستگیركردن بۆ سه‌رپیل كه‌مالبای، هاوسه‌رۆكی گشتیی پارتیی دێمۆكراتیی گه‌لان - هه‌ده‌په‌ و ١٧ به‌رپرسی دیكه‌ی هه‌ده‌په‌ ده‌ركرا.

له‌و چوارچێوه‌یه‌شدا پڕۆفیسۆر ئۆنوور هه‌مزائۆغلوو، هاوگوته‌بێژی كۆنگره‌ی دێمۆكراتیی گه‌لان - هه‌ده‌كه‌ و ده‌یان كه‌سی دیكه‌ش ده‌ستگیركران.

هاوكات به‌یانیی ئه‌مڕۆ له‌ ناوچه‌ی گه‌بزه‌ی كۆجائه‌لی، پۆلیس هه‌ڵیكوتایه‌ سه‌ر ماڵی هه‌ده‌په‌ییه‌كان و هه‌ریه‌كه‌ له‌ داملا باگجی و مسته‌فا ئاڵتوونباش، هاوسه‌رۆكانی ناوچه‌ی گه‌بزه‌-ی هه‌ده‌په‌ و ١٨ كه‌سی دیكه‌یان ده‌ستگیركرد.

ئه‌م هه‌ڵمه‌ته‌ی ده‌ستگیركردنی به‌رپرس و ئه‌ندامانی هه‌ده‌په‌، له‌كاتێكدایه‌ كه‌ بڕیاره‌ ڕۆژی ١١ی شوبات\٢٢ی ڕێبه‌ندان سێیه‌مین كۆنگره‌ی ئاسایی هه‌ده‌په‌ به‌ڕێوه‌بچێت. 

ش. م