ئەمڕۆ لە شاری وان لە باکوری کوردستان، سوعاد کاراگۆز، ڕۆژنامەنووسی ڕۆژنامەی ئوزگورلوکچو دیموکراسی لەلایەن هێزەکانی پۆلیسی تورکەوە دەستگیرکرا.

هۆکاری دەستگیرکردنی سوعاد کاراگۆز ڕانەگەیەندراوە و دیاریش نییە گوازراوەتەوە بۆ کوێ. دەوڵەتی تورک بەردەوامە لە دەستگیرکردنی ڕۆژنامەنووسان و چالاکوانان و ئەندامانی پارتە سیاسییەکان، لە ئێستادا دەیان ڕۆژنامەنووس لە تورکیا زیندانی کراون، هەربۆیە تورکیا بە زیندانی ڕۆژنامەنووسان ناوبراوە لە ڕاپۆرتە جیهانییەکان.