ئەمڕۆ یەک شەممە، لە درێژەی کار و چالاکیەکانی کوردانی شاری کییلی باکوری ئەڵمانیا بۆ عەفرین،  بە ئامادەبونی هەزاران هاوڵاتی کورد بۆ ماوەی چوار کاتژمێر  ڕژانە سەر شەقامەکانی شارەکە و بە زمانەکانی کوردی و ئەڵمانی و تورکی ناڕەزاییان  دژی هێرشەکانی ئەرتەشی فاشتی تورک بۆسەر  شاری عەفرین دەربڕی.

لەوبارەوە، فەرەیدون کونجرینی، یەک لە ڕێکخەرانی چالاکییەکە بە ئاژانسی هەواڵی فوڕاتی وت:  تا ئێستا بۆ عەفرین چەندین کۆبوونەوە و چالاکیان هەبووە و 
وێڕای چالاکییەکەی مڕۆیان،  بڕیارە ڕۆژی سێ شەممەی داهاتوو ۰٦ـ۰۲، لە بەردەم بارەگای پارتی  CDU  و ڕۆژی پێنج شەممە ۰٨ـ۰۲ لە بەردەم بارەگای پارتی SPD ، کە دوو پارتی دیار و دەسەلاتداری ئەڵمانیان خۆپیشاندان ئەنجام بدەنەوە.

هەروەها، ڕۆژی شەممەی داهاتووش، خۆپشاندانێکی جەماوەری لە  گاردنەوە بۆ سەنتەری شارە ڕێکدەخەن. 

کونجرینی، ڕایگەیاند:، هەتا هێرشەکانی تورک بۆ سەر ڕۆژئاوای کوردستان و شاری ئەفرین بەردەوام بێت، ئێمەش لێرە هاوشێوە خوشک و براکانمان لە بەرخوداندا دەبین، دڵنیاین عەفرین سەردەکەوێ.

هـ.هـ