له شاری كابولی پایتەختی ئەفغانستان، ئازادیخوازانی ئهفغانی خۆپیشاندانێكیان ساز كرد و پشتگیریی خۆیان بۆ بەرخۆدانی عەفرین ڕاگهیاند. ئاماژهیان بۆ ئهوه كرد كه عهفرین تهنیا نییه.
به دروشمی «عەفرین تهنیا نیە، عەفرین دەبێتە گۆڕستانی دەوڵەتی تورکیا»، دوێنێ ٢٤مارس\٤ئادار هاوكات لهگهڵ ڕۆژی جیهانی عهفرین، سهدان كهس له دانیشتوانی شاری كابولی پایتەختی ئەفغانستان خۆپیشاندانێكیان ساز كرد و پشتگیریی خۆیان بۆ بەرخۆدانی عەفرین ڕاگهیاند.
بەشداربوانی خۆپیشاندانهكه كه ژمارهیهكی زۆریان له ژنان پێكهاتبوون، جگە لە ھەڵکردنی ئاڵای یەکینەکانی پاراستنی ژن - یەپەژه و یەکینەکانی پاراستنی گەل - یەپەگە، لهپاڵ وتنەوەی دروشمهكاندا، وێنەی ژن و منداڵی عهفرینیان بهرز كردبووهوه كه بههۆی ھێرشەکانی سوپای تورکیا شههید و بریندار بوون.
ئەندامی پلاتفۆڕمی پشتگیریی عهفرین، سهلای خهفار، لە خۆپیشاندانهكهدا وتهیهكی پێشكهش كرد و وتی: مێژووی گەلی کورد، مێژوی بەرخۆدان و بەرگرییە. ئیستا ژنان لە عەفرین و ڕۆژئاوای کوردستان، بەخەباتی خۆیان ئەو مێژووە پرشنگدارتر دەکەن.
جێگەی ئاماژە پێدانە، لە کاتی ھێرشی چەتەکانی داعشی ھاوپەیمانی تورکیا بۆ سەر شاری کۆبانێ، چین و توێژە جیاجیاكانی ئەفغانستان، بە چەندین شێواز، پشتگیریی خۆیان بۆ گەلی کورد و كۆبانێ دەربڕیبوو.
s.m
