لە میانەی بەشداریکردنی لە مەراسیمی بەخاکسپاردنی تەرمی ٣٠ شەھیدی «بەرخۆدانی سەردەم» لە عەفرین، مهلا سامان سهنگاوی مامۆستای ئاینیی ئیسلام پەیامێكی ئاراستەی وهڵاتانی ئیسلامی كرد.
مەلا سامان سهنگاوی كه لهگهڵ وهفدێكی باشووری كوردستان بهمهبهستی پشتیوانی له «بهرخۆدانی سهردهم» سهردانی شاری عهفرینی كردووه، ئهمڕۆ له مهڕاسیمی بهخاكسپاردنی شەھیدان وتهیهكی پێشكهش كرد و ڕایگەیاند: داوا لە وەڵاتە عەرەبییه ئیسلامییەکان دەکەم ئاوڕێک لە کۆمەڵکوژییهكانی عەفرین بدەنەوە. سهنگاوی ڕووی له حکوومەتی سعوودیە كرد و وتی: «پایتهختی ئیسلام بۆ بێدەنگی؟ ئەوەتا ئەردۆغانی تیرۆریست خاک و نیشتیمانمان داگیر دەکات و گهلهكهمان كۆمهڵكوژ دهكات.»
لە درێژەی وتەکانیدا ئەو مامۆستا ئاینییهی باشووری كوردستان باسی لە کۆمەڵکوژیی ھەڵەبجە و ئەنفال كرد و وتی: لە کۆمەڵکوژیی ئەنفال و ھەڵەبجەدا، دەنگی کوردانی باشوور نەدەگەیشتە جیھان، بەڵام ئێستا دهنگی عهفرین به ههموو جیهان دهگات.
لە کۆتایی وتەکەیدا سەنگاوی وتی: شههیدان نامرن، ئێمه ههموومان شهڕڤانین و لهگهڵ عهفرینین. خەڵکی باشوور پشتیوانی عەفرینه و ئێمه بۆ ئهوه هاتووین لهگهڵتان بین و پشتیوانتان بین.
s.m
