له‌ «ڕادیۆی Europe 1»ی فه‌ڕه‌نسا، بەرنامەیەک ده‌رباره‌ی بێدەنگیی کۆمەڵگەی نێودەوڵەتی لە به‌رانبه‌ر تاوانەکانی سوپای تورکیا لە عەفرین پێشكه‌ش كرا. سه‌رنووسه‌ری گۆڤاری «Le Point» فرانز – ئۆلیڤەر گیسبه‌رت بوو بە میوانی بەرنامەکە و بە ئەردۆغانی وت: ئەردۆغانی قەساب.

فرانز – ئۆلیڤەر گیسبه‌رت، سه‌رنووسه‌ری گۆڤاری «Le Point» هه‌فته‌ی ڕابردووش وتارێكی له‌ژێر ناوی «گه‌مژه‌ترین  مێدیای جیھان» بڵاوكرده‌وه‌.

گیسبه‌رت سه‌رنجی ڕاكێشایه‌ سه‌ر دۆخی مێدیا له‌ توركیا و وتی: ئه‌ردۆغان هێنده‌ی به‌شار ئه‌سه‌د قه‌سابه‌. مێدیا ته‌نیا باسی ڕۆژهه‌ڵاتی غووته‌ ده‌كات، لێره‌دا مافدارن چونكه‌ ئه‌سه‌د له‌ ڕاستیدا دژی ئیسلام و ڕاپه‌ڕیوان پێشێلكاری ده‌كات. كه‌س باسی ئه‌وه‌ ناكات، به‌ڵام ئه‌مه‌ ڕاستییه‌كه‌. له‌ هه‌مان كاتدا باسی بۆمبارانه‌كانی توركیا له‌سه‌ر كوردانی عه‌فرین ناكرێت.

s.m