لە ٢٠ی تەمموزی ٢٠١٥دا لە هۆڵی ناوەندی کەلتووری ئامارادا لە هێرشێکی داعشدا ٣٣ گەنجی سۆسیالیست شەهیدبوون، زیاتر لە ١٠٠ کەسیش برینداربوون. یەکێتی عەلەوییە دیموکراتیکەکان (داب) و یەکێتی ژنانی عەلەوی دیموکراتیک (داکاب) لە ساڵیادی کۆمەڵکووژییەکەدا ڕاگەیاندراوێکی هاوبەشیان بڵاوکردەوە. 

لە ڕاگەیاندراوەکەدا ئاماژە بەوەکراوە گەنجان لە پرسوس کۆبوونەوە، بۆ پشتگیریکردنی سەرلەنوێ بونیاتنانەوەی ڕۆژئاوا و گەیاندنی هاوکاری مرۆیی بۆ کۆبانێ بە ڕێکەوتن، بەڵام بوون بە ئامانجی هێرشی داعش و هێزە تاریکپەرەستەکانی دەوڵەتی تورک. 

لە ڕاگەیاندراوەکەدا هاتووە: "ئەم خوشک و برا گەنجانەمان بۆ خوشک و برایەتی گەلان، یەکسانی، ڕەنج، ئازادی و داهاتووی شۆڕشی ویژدانی مرۆڤایەتیبوون، هەوڵیاندا لە دەرەوەی سنوورەکان پردێکی هیوا درووست بکەن." 

دامەزراوە عەلەوییە دیموکراتیکەکان ئاماژەیان بەوەدا تێکۆشانی ئەو گەنجانە وەک تێکۆشانی خۆیان دەبینن و ئامانجەکانیان ڕێگەکەیان ڕووناک دەکاتەوە. 

لە کۆتایی ڕاگەیاندراوەکەدا گوترا: "بۆ پرسوس دادپەروەری بۆ هەمووکەسێک دادپەروەر" جەنگاوەران بە بیرهێنرانەوە و جەختیان لەوەشکردەوە لێپرسینەوە لەگەڵ بکوژاندا دەکرێت. 

هەروەها بەڵێنی فراوانکردنی تێکۆشان بۆ جیهانێکی یەکسان و ئازاد درا.