بەپێی ئەو لیستەی کۆمیسیۆنەکە بڵاوی کردووەتەوە، حەوت هەزار و ٧٦٩ کاندید، کە لە دوو هەزار و ٢٤٨ کاندیدی ژن و پێنج هەزار و ٥٢٠ کاندیدی پیاو پێکهاتوون، کێبرکێی بەدەستهێنانی ٣٢٩ کورسی پەرلەمانی عێراق دەکەن.

بە پێی سیستمی هەڵبژاردن هەر پارێزگایەک و لە بازنەیەکی هەڵبژاردن پێکدێت کە دەنگدەرانی ئەو پارێزگایە دەنگ بە لایەنە سیاسییەکان و کاندیدی دڵخوازی بازنەکەیان دەدەن، هەرێمی کوردستانیش دابەشی سێ بازنەی هەڵبژاردن کراوە، کە پارێزگاکانی هەولێر، سلێمانی، دهۆکە و پارێزگای هەڵەبجە لەسەر سلێمانی هەژمارکراوە.   

بڕیار وایە، لە ١١ـی تشرینی دووەمی ئەمساڵ، هەڵبژاردنی خولی شەشەمی پەرلەمانی عێراق لە سەرجەم پارێزگاکان بە هەرێمی کوردستانیشەوە بەڕێوەبچێت، کاتژمێر ١٢:٠٠ـی ئەمشەویش بانگەشەی هەڵبژاردن دەست پێبکات.