والیی تورکیا لە شاری دەرسیم، قەدەغەی هاتووچۆی لە ٣١ هەرێمی ئەو پارێزگایە ڕاگەیاند. بەشێک لەو هەرێمانە بریتین لە هەرێمەکانی ناوەندی دەرسیم، ناوچەی پولور، ناوچەی پیلەمووری، ناوچەی خۆزاد و ناوچەی قسڵە، کە لە سبەینێوە هەتا ١٥ ی ئەیلول هاتووچۆیان تێدا قەدەغە کراوە.

هاوکات لەگەڵ راگەیاندنى قەدەغەى هاتووچۆ لە دەرسیم، دەوڵەتی داگیرکەری تورکیا دارستانەکانیش دەسووتێنێت. لە ناوەندی دەرسیم کە دیانەوێت لە دانیشتوانەکەی چۆڵی بکەن، دارستانەکان دەسووتێندرێن و سروشت و ژینگەکەی تاڵان دەکرێت. بەو شێوەیەش گورز لە کشتوکاڵ و ئاژەڵداریی دەدەن لەو شارە.

بە بەردەوامی فڕۆکە و هەلیکۆپتەر بەسەر ئاسمانی دەرسیمەوە دەسووڕێنەوە و چواردەوری شارەکە بە تەلبەند و سەرباز گەمارۆ دراوە. جەندرمەکانی تورکیا هەڕەشە لە گوندنشینانی دەرسیم دەکەن و پێیان دەڵێن کە گوندەکانی چۆڵ بکەن.

ر.م