بە گوێرەی زانیاری سەرچاوە هەرێمیەکان، سوپای داگیرکەری تورکیا، دوێنێ سێشەممە جارێکی ترگوندەکانی سیران و خەلیفانی لە هەرێمی سیدەکانی سەر بە برادۆست تۆپباران کردووە.

لە ئەنجامی ئەو تۆپبارانەشدا، بە دەیان سەرئاژەڵی گوندنشینان لەناوچوون و ڕەز وباخەکانیشیان ئاگریان تێبەربووە.

فەتاح عەبدولوەحید یەکێکە لە گوندنشینەکانی گوندی سیران و لەبارەی ئەو تۆپبارانەوە بە ئاژانسی هەواڵیی ڕۆژنیوزی ڕاگەیاندووە "لە ئاکامی ئەو تۆپبارانەدا، تەنها لە گوندەکەی ئێمە ۱۰ مانگا لەناوچوون و ٤ ی تریش بریندار بوون."

ڕاگەیەندرا کە لە ئەنجامی ئەو تۆپبارانەدا، بەشێک لە ڕەز و باخەکانی گوندنشینان سووتێنراون و ئاگریش لە رەز و باخەکانی تری هەرێمەکە کەوتووەتەوە.

یەک لە گوندنشینەکانی گوندی سیران فەتاح عەبدولوەحید جەختی لەوە کردەوە کە بەهۆی تۆپبارانی بەردەوامی فڕۆکە کەشفییەکانی دەوڵەتی تورکیای داگیرکەر ناتوانن ئەو ئاگرەی لە ڕەزا و باخەکانیان کەوتووەتەوە بکوژێننەوە. تا ئێستاش بەشێکی زۆری ڕەز و باخی گوندنشینان سووتێنراون.

ک-ش