لە ئێلح ٢ سەربازى تورکیا کوژران
لە ناوچەى هەزۆ لە پارێزگاى ئێلح لە باکوورى کوردستان شەڕ ڕوویدا و بەو هۆیەوە ٢ سەربازى سوپاى تورکیا کوژران.
لە نێوان گوندەکانى کوملوپنار و کۆجابەی لە ناوچەى هەزۆ لە پارێزگاى ئێلح بەهۆی ئۆپراسیۆنى سوپاى تورکیاوە شەڕ روویدا.
لەو شەڕەدا ٢ سەرباز برینداربوون و گوسترانەوە بۆ نەخۆشخانەى حکومیى هەزۆ و دواتر ئەو ٢ سەربازە لە نەخۆشخانە بەهۆى قورسیى برینەکانیانەوە مردن.
ئەو ناوچەیە کە ئۆپراسیۆنى سوپاى تورکیا تیایدا بەردەوامە، لەلایەن کۆپتەرە جەنگییەکانى تورکیاوە بۆردومان دەکرێت.
پارێزگاری ئێلح رایگەیاندووە، کە ٢ سەربازی سوپاى دەوڵەتەکەى لەو شەڕەدا کوژراون.
هەپەگە تاوەکو ئێستا لەبارەى ئەو شەڕەوە هیچ زانیارییەکى بڵاونەکردووەتەوە.
ر.م
