ئەمرۆ بەشێکی زۆری حزبە کوردیەکانی کەرکووک لە مەلبەندی (٢)ی یەکێتی نیشتیمانی کوردستان بۆ تاوتوێ کردنی بابەتی بۆنەکانی نەورۆز ، ڕاپەرین ، ئەنفال و هەلبجە بۆ رێکەوتن لە سەری لەگەڵ لایەنە کوردیەکانی کەرکووک کۆبوونەوە.

جێگای باسە کە داوا لە هەموو لایەنە کوردیەکان کرابوو بەشداری ئەم کۆبوونەوەیە بن بەڵام پارتی دیموکراتی کوردستان و بزوتنەوەی گۆڕان و تەفگەری ئازادی کۆمەڵگای کوردستان ئامادە نەبوون لە کۆبوونەوەکە .

جەنگی عزەدین ئەندامی پەیوەندێەکانی مەلبەندی (٢)ی یەکێتی نیشتیمانی کوردستان لە سەر ناوی لایەنە سیاسێەکانی کەرکووك ڕاگەیاندراوێکی خۆیندەوە کە کە لەم خاڵانە پێکهاتبوون:

یەکەم:" سەرجەم یادەکانی نەورۆز و ڕاپەرین و هەلبجە لە کەرکووک هەموومان پێکەوە دوور لە مۆرکی حزبی بە گیانێکی نیشتیمانی نەتەوییەوە بەرز ڕایدەگرین ".

دووەم:" داوا دەکەین لە سەرکردایەتی یەکێتی و پارتی بە زووترین کات کاری بە پەلە بکرێ بۆ پرسی یەکلاکردنەوەی کەرکووک و کارا کردنەوەی ئەنجومەنی پارێزگا و دانانی پارێزگایەک بۆ کەرکووک".

سێ یەم:" داواکارین لە حکومەتی عێراق بارودۆخی کەرکووک ئاسایی بکاتەوە و کۆتایی بە دەساڵاتی نائاسایی سەربازی لە کەرکووک بهێنێ ".

ک٠ش