بەگوێرەی چەند زانیاریەک کە لە سەرچاوە هەرێمیەکانەوە بە ئاژانسەکەمان فوڕات نیوز گەیشتوون، لە ناوچەی کانی ڕەشی چەولیکی باکوری کوردستان، شەڕی دژوار لە نێوان گەریلاکانی هەپەگە و سوپا داگیرکەرەکی تورکیا ڕوویداوە.

ئەو سەرچاوانە باسیان لە کوژران و بریندارزوونی ژمارەیەکی زۆر لە سەربازانی سوپای تورکیا کردوە و ئاشکریان کردوە، ژمارەیەکی زۆر ماشێنی فریاگوزاری چونەتە شوێنی شەڕەکە و کوژراوان و بریندارانیان گواستوەتەوە.

مەدیاکانی تورکیا قەومانی شەڕەکەیان پشتڕاست کردووتەوە، بـەڵام بانگەشەیان کردووە، لە شەڕەکەدا تەنها سەربازێک کوژراوە و ۲ی دیکەش بریندار بوون.

تا ئێستا ناوەندی ڕاگەیاندنی هێزەکانی پاراستنی گەل-هەپەگە، لێدوانی لە بارەی شەڕەکەوە نەداوە.

هـ.هـ