ڤیدیۆى چالاکییەکەى گەریلا لە قلەبان بڵاوکرایەوە
گەریلا تیڤی ڤیدیۆی چالاکى گەریلاکانى هەپەگەى لە قلەبانی شرنەخ بڵاوکردەوە. چالاکییەکە لە مانگی تشرینى یەکەمی ئەمساڵدا ئەنجامدراوە و تیایدا گورزی قورس لە سەنگەر و پەناگەکانى دوژمن دراوە.
بەپێى ڤیدیۆیى چالاکییەکە، چالاکییەکە رۆژی ٢١ی تشرینى یەکەمی ٢٠١٨ و لە کاتژمێر ١١:٤٥دا ئەنجامدراوە.
چالاکییەکە لە دژی سەربازانى سوپاى تورکیا لە سەر شاخی مەیمون ئەنجامدراوە. لەو چالاکییەدا گورزی قورس لە سەنگەر و پەناگە و حەشارگەی سەربازان دراوە.
ژمارەى سەربازە کوژراو و بریندارەکانى ئەو چالاکییە بۆ هێزەکانى گەریلا روون نەبووەتەوە.
لە ڤیدیۆکەدا ئەوە دەبینرێت، کە گورز لە حەشارگەیەکى سەربازان دەدرێت و بە دواى ئەوەشدا گورز لە سەنگەر و پەناگەکان دەدرێت.
ر.م
