ئەمڕۆ لە ساڵیادی ئازادکردنی کەرکوک لە ڕاپەرینە مەزنەکەی ساڵی ١٩٩١دا کۆمەڵ سەرمەد هاوسەرۆکی تەڤگەری ئازادیی کۆمەڵگای کوردستان لە کەرکوک پەیامێکی ئاشتیی ئاڕاستەی خەڵکی کەرکوک کرد، بە تەواوی پێکهاتەکانییەوە.
کۆمەڵ سەرمەد هاوسەرۆکى تەڤگەری ئازادی لە کەرکوک وتی: "ئەمڕۆ ساڵیادی ئازادکردنی شاری کەرکوکە، کە لە ڕاپەرینە مەزنەکەی ساڵی ١٩٩١ دا ئەم شارە ئازاد کرا و لەو راپەڕینەدا خەڵکی کەرکوک بە هەموو نەتەوەکانەوە دژی ستەم هەستانەوە و کەرکوکیان ئازاد کرد".
وتیشی "ئێمە وەک تەڤگەری ئازادیی کۆمەڵگای کوردستان لە کەرکوک بە بۆنەى ئەم یادەوە پیرۆزبایی لە تەواوی شاری کەرکوک دەکەین و هیوادارین هەموو خەڵکی شاری کەرکوک بە هەموو پێکهاتەکانییەوە لە سایەی ئەم ڕاپەرینەدا بە ئاشتی بژێن".
کۆمەڵ سەرمەد ئەوەشی وت "هاوکات جەژنی نەورۆز لە تەواوی گەلی کورد پیرۆز دەکەین و هیوادارین ئەو نەورۆزەی ئێستا، کە لە سەر قەڵای کەرکوک پیرۆز دەکرێت بە ئاشتی و ئارامی بەڕێوە بچێت و ببێتە نەورۆزی ئاشتی".
کۆمەڵ سەرمەد هاوسەرۆکى تەڤگەری ئازادی لە کەرکوک راشیگەیاند: "ئێمە وەکو تەڤگەری ئازادی لە کەرکوک پەیاممان پەیامی ئاشتییانە و دیموکراتییانەیە و هیوادارین بەڕێوبردنی شاری کەرکوک بەڕێوبەرییەکی دیموکراتیانە بێت تاوەکو پێکەوەژیان لە نێوان هەموو پێکهاتەکانى کەرکوک دا پێکەوەژیانێکی ئاشتییانە بێت".
ر.م
