محەمەد سدیق کەبودوەند چالاکوانى مافەکانى مرۆڤ و رۆژنامەنووس لە رۆژهەڵاتى کوردستان راگەیاند "بوونی بنکە سەربازییەکانى رژێمى تورکیا لە هەرێمی کوردستان هەم جێى داخە و هەم مایەى شەرمەزارییە".
ناڕەزایەتییەکان بەرامبەر بە شەهیدکردنى هاووڵاتییانى باشووری کوردستان لەلایەن دەوڵەتى تورک و هەوڵەکانى پارتى دیموکراتى کوردستان (پەدەکە) بۆ رەوا نیشاندانى هێرش و کوشتارەکانى دەوڵەتى تورک لە ناوخۆ و دەرەوەى وڵات بەردەوامە.
محەمەد سدیق کەبودوەند چالاکوانى مافەکانى مرۆڤ و رۆژنامەنووس و سەرۆکى رێکخراوى مافی مرۆڤی کوردستان بەرامبەر بە کوشتنى هاووڵاتییانى باشووری کوردستان لەلایەن دەوڵەتى تورکی داگیرکەرەوە لە تویتەردا هەڵوێستى خۆی بڵاوکردەوە.
لە پەیامەکەى کەبودوەند دا هاتووە "بوونی دەیان بنکەى سەربازی و سیخوڕیى رژێمى سەرکەوتکەری تورکیا لە هەرێمى کوردستان هەم جێى داخە و هەم مایەى شەرمەزارییە. دیارە دەبێت خەڵکى کورد و رۆژهەڵاتى ناوەڕاست تەنها بە پشتبەستن بە هێزى مەدەنی و ناڕەزایەتیى خۆیان رێگری لە توندوتیژی و تاوانى سەرکوتکەران بگرن و خۆیان لە کۆتی داگیرکەری خۆ بە زلزان، کە خۆیان لە خەڵکى تر بەلاوە گەورەترە، رزگار بکەن".
وجود دهها پایگاه نظامی-استخباراتی #رژیم_سرکوبگر_ترکیه در #اقلیم_ڪوردستان هم تٲسف برانگیز است و هم شرم آور. #مردم_ڪورد_خاورمیانه ظاهرإ باید تنها با اتکاء به #نیروی_مدنی_اهیمسایی خود، مانع از #خشونت و #جنایات سرکوبگران شوند و خود را از انقیاد #استعمار و #خودبرتر_پنداران، برهانند. pic.twitter.com/91RqWlFde1
— کبودوند.م.ص Kaboudvand (@KaboodvandS) January 27, 2019
محەمەد سدیق کەبودوەند بەهۆی چالاکییەکانى لە بواری مافی مرۆڤ و داکۆکییەکانى لەگەلی کورد بۆ ماوەى ١٠ ساڵ لەلایەن رژێمى کۆماری ئیسلامیى ئێرانەوە زیندانیکرا و لە ١٢ی ئایاری ٢٠١٧ / ٢٢ی گوڵان دا ئازاد کرا.
ر.م
