دەستەی سەرۆکایەتی کەنەکە بە ڕاگەیەنراوێک کۆمەڵکوژی دەوڵەتی تورکی لە تل ڕەفعەت شەرمەزار کرد و بانگی لە گەلی کوردستان کرد هەستنە سەر پێ. کەنەکە هەروەها بانگی لە ناتۆ و نەتەوە یەکگرتووەکان کرد بێدەنگ نەمێنن، بە پێچەوانەوە دەبنە هاوکاری تاوانەکانن.
دەستەی سەرۆکایەتی کەنەکە بە ڕاگەیەنراوێک کۆمەڵکوژی دەوڵەتی تورکی لە تل ڕەفعەت لە ٢ی کانونی یەکەم شەرمەزار کرد کە لە ئەنجامدا ١٢ هاوڵاتی مەدەنی شەهید بوون و بانگی لە گەلی کوردستان کرد هەستنە سەر پێ.
کەنەکە بەبیریهێنایەوە، بەڕێوەبەرایەتی خۆسەری دیموکراتیک بەهۆی کۆمەڵکۆژیەکە ٢ ڕۆژ شینی ڕاگەیاند و وتی، "هەروەها زۆرێک لە ناوەند و دەزگاکانی کوردستان، وەک کەجەدە – ئە، تەژەکە – ئە . بە هۆی هێرشە دڕندانەکەوە هەڵوێستیان پیشانداوە و داوایان کردووە بۆ گەلەکەمان خۆپیشاندان ئەنجامبدرێت و دەوڵەتی تورک شەرمەزار بکرێت.
هەستنە سەرپێ
ئێمە وەک کەنەکە، لەبەرامبەر ئەم هێرشەی دەوڵەتی تورکی قڕکەر و داگیرکەر، سەرەتا بانگ لە گەلەکەمان لە کوردستان و لە هەموو جێگەیەک دەکەین، لەدژی دڕندەیی بێدەنگ نەمینن و بە بەرپرسیاری نەتەوەیی خۆیان هەستن. لەهەمانکاتدا پێویستە هەموو گەل و هاوڕێکانی هەرێمەکە بەیەکەوە، لەدژی هێرشەکان یەکگرتووبن و بەیەکەوە بێوەستان خەبات بکەن.
'ئەگەر ناتۆ و نەتەوەیەکگرتووەکان بێهەڵوێست بن ، هاوبەشی تاوانن'
هەروەها بانگمان بۆ ڕای گشتی جیهانیش هەیە: پێویستە ویژدانی مرۆڤایەتی جیهان، لەبەرامبەر ئەم زوڵمەی دەوڵەتی فاشیستی تورک بە سەرۆکایەتی ئەردۆغان بێدەنگ نەبێت. پشتگیری گەلە مەزڵومەکەمان بکەن. ئەگەر ناتۆ و نەتەوە یەکگرتووەکان لەدژی دڕندەیی دەوڵەتی تورک هەڵوێست پیشان نەدەن ، ئەوانیش هاوبەشی تاوانەکانن.
ئێمە وەک کەنەکە، بانگەوازیمان دووبارە دەکەینەوە بە هەموو شێوەیەک لەگەڵ بەرخۆدانی گەلەکەمان بین، لەگەڵ ئازار و غەمگینیەکانیان بین و لەو بڕوایەداین، سەرکەوتن بەشی گەلەکەمانە. بە بڕوا و بەرخۆدانمان فاشیزمی دەوڵەتی تورک و هاوبەشەکانی دەشکێنین."
ف.ق
