گەنجانیش بۆ ئاژانسەکەمان باسیان لە هۆکاری پشتگیریکردنیان بۆ پارتی چەپی سەوز کرد.

بۆ ئازادی ژنان

روکەن میرزائۆغلۆ رایگەیاند، ئەو لەنێو ئەنجومەنی گەنجانی پارتی چەپی سەوزدا تێدەکۆشێت و وتی، " من دەمەوێت بەم شێوەیە قسە بکەن، ژنانمان کوژران. منداڵانیشمان. زۆر ژن رووبەرووی توندوتیژی دێن و هاوسەرەکانیان بە مەجبوری کار دەکەن. ئەوەی رێگری  لەم دۆخە بکات پارتی چەپی سەوزە. ئێمە وەک ژنانی گەنج دەمانەوێت توندوتیژی و کوشتنی ژنان کۆتایی پێبهێنین.

گەنجان ناتوانن بژێوی ژیانیان بەدەست بهێنن

فەردی ئەرکولیش باسی ئەوەی کرد کە گەنجان زیاترین کێشەی ئابوریان هەیە و ناتوانن بژێوی ژیانیان بەدەست بهێنن و وتی، " لە تورکیا گەنجان بەم شێوەیە قسە دەکەن، بە کام پارە هاوسەرگیری بکەین، ئەگەر هاوسەرگیری بکەین، بژێوی خۆمان چۆن بەدەست بهێنین. پارتی چەپی سەوز چەندین ساڵە بۆ ئاشتی و دیموکراسی تێدەکۆشێت. لەدژی کاپیتالیزم تێدەکۆشێت، پارتی چەپی سەوز پارتی هەموو کەسێکە، ئاشتی برایەتی دەوێت."

' پێویستە هەموو کرێکاران دەنگ بە پارتی چەپی سەوز بدەن'

عەلی حەیدەر ئەندامی بزوتنەوەی یەکێتی کرێکارانیش رایگەیاند کە پێویستە کریکاران دەنگی بە کاندیدەکانی پارتی چەپی سەوز بدەن و وتی، " ئێمە بانگەوازی لە هەموو کرێکاران دەکەین کە لە ١٤ی ئایاردا بچنە سەر سندوقەکانی دەنگدان و دەنگی خۆیان بە کاندیدەکانی پارتی چەپی سەوز بدەن. رۆژنامەنووسان و سیاسەتمەداران دەستگیرکران، لەم دواییانەدا لەدژی ئەسەپە ئۆپراسیۆن ئەنجامدرا. بەڵام ئێمە سەردەکەوین."

ف.ق