لە گوندی گاوەندای عەفرینی داگیرکراو، دوو هاوڵاتی لەلایەن چەتەکانی "ئەحرار ئەلشەرقیە"ـی سەر بە دەوڵەتی تورکەوە ڕفێندران. زانراوە، هەردوو هاوڵاتییەکە بەبۆنەی جەژنی قوربانەوە لە حەلەبەوە ڕوویانکردووەتە عەفرین، چەتەکان ئەشکەنجەیانداون و ڕفاندوویانن.

کەسە ڕفێندراوەکان بریتیین لە: ڕەشید سەیدۆ بەکر (ئەبو فەرحان) و کوڕەزاکەی بەناوی عەگید بەکر کە خەڵکی گوندی گاوەندای سەر بە ڕاجۆن لە عەفرین.

بەگوێرەی زانیارییەکان، چەتەکان کاتژمێر ١٢:٠٠ پاش نیوەشەوی دوێنێ، بە ٤ ئۆتۆمبیل هاتوون، هەردوو هاوڵاتییەکەیان ئەشکەنجەداوە و لەژێر هەڕەشەی چەکدا ڕفاندوویانن. هەروەها چەتەکان ئۆتۆمبیلەکەی عەگید بەکریان دزی و لەگەڵ خۆیان بردوویانە.